Monday, February 17, 2014

Үндэсний үйлдвэрлэгчдийг дэмжих нэвтрүүлэг ийм байж болмоор санагдаад байх юм

Үндэсний үйлдвэрлэгчдийг дэмжих нэвтрүүлэг
Зорилго
Улс төрчид, олны танил хүмүүс, болон энгийн иргэдээс ярилцлага авах, улмаар жижиг дунд бизнес эрхлэгчдийн бүтээгдэхүүн үйлчилгээг сурталчилна.
Нэвтрүүлгийн дараалал
Нэг. 
Олны танил нэг хүнээс жижиг дунд үйлдвэрлэл,  Монголд үйлдвэрлэсэн бүтээгдэхүүн үйлчилгээний талаар, түүнийг хэрхэн хөгжүүлэх талаар санал бодлыг нь асууна.
Товчхон ярилцлага хийнэ.
Хоёр.
Ярилцлагын эцэст түүнээс Монголд хийсэн хувцасаа авч үлдээд бусдыг нь тайлвал та ямар хувцастай үлдэх вэ? Гэж асууна. 
Гурав.
Монголд үйлдвэрлэсэн бүтээгдэхүүн байвал түүнийг нь хаанаас хэдэн төгрөгөөр авсаныг нь асууна. Тэр үйлдвэрлэгч дээр нь очиж сурвалжилна.
Дөрөв.
Мөн өглөөнөөс хойш та юу юу идсэн бэ? Гэж асуугаад түүнээс нь хэдэн хувь нь гадаадад, хэдэн хувь нь дотоодол үйлдвэрлэсэн бүтээгдэхүүн байж болох талаар ярилцана.
Тав.
Хамгийн чухал нь нэвтрүүлгийг гаргахдаа эвлүүлэг хийж оролцогчийн Монголд үйлдвэрлэсэн хувцасыг үлдээгээд бусдыг нь тайлсан хүүхэлдэйн загвар дээр толгойг нь оруулж бүхий л нэвтрүүлгийн турш тэрхүү загварыг ашиглах.
Үндэсний үйлдвэрлэлийг хөгжүүлэх хэрэгтэй гэж мундаг цэцэрхдэг хүмүүс яг үнэндээ үндэсний үйлдвэрлэлээ дэмжиж юу худалдаж авсаныг нь бодитоор харахад ямар инээдтэй байх бол оо.

Мөн энэ нэвтрүүлэгтэй холбоотой нэг хүний сарын нийт худалдан авалтын хэдэн хувийг юунд зарцуулсан талаар дэлгэрэнгүй нэвтрүүлэг хийж түүнээс хэдэн хувь нь Монголд, хэдэн хувь нь гадаадад үйлдвэрлэсэн бүтээгдэхүүн байгаа талаар ярилцаж болох юм.

Thursday, January 23, 2014

Энэ дууны үгэнд ая зохиогч болон дуучин хайж байна.

Миний хайрын ертөнц

Хаана хэзээ байгаагүй
Миний хайрын ертөнцөд
Харцны тань гэгээнд ургасан
Мянган цэцэгс дэлгэрнэ.
        Миний хайрын үзэмж минь
        Мянган цэцэгсээс илүү еэ
Сэмхэн чамайг хүлээсэн
Хоног өдрийн тоогоор
Сэтгэлийн цэнхэр нууранд
Хунгийн сүрэг чуулна
       Хайраас ундарсан аялгуу минь
      Хунгийн найрлаас илүү еэ
Инээж туулах насны уртыг
Бидэн хоёрт ерөөж
Итгэлийн өндөр ууланд минь
Бугын сүрэг урамдана
       Бусдыг хайрласан сэтгэл минь
       Бугын дуудлагаас илүү еэ
П.Амармэнд
Энэ дууны үгэнд ая зохиогч болон дуучин хайж байна.
Цагаан уул, дууны үг шалгаруулах юм гэнэ.Нэг үг явуулаад үзэе л